Texty: Bläck Fööss. Familijedach.

:
Huck sin se widder ens all beienei.
Tant Annie met Anhang, de Jupp kutt allein.
Tant Rosa met Enkel, de Schang kutt met Frau
un et Zilli mem Mattes, jo da es miestens blau.
Alles en allem jot 50 Mann
un die fange jetz all an zo sengen an.

Wenn sich de Famillich triff
kutt nur von allem et Bess op de Desch.
Dann wed jesonge, jeschwaad un jelaach.
Dat jit en herrlich, herrlich, herrlich -
Dat jit en herrlich lange Naach.
Dat jit en herrlich, herrlich, herrlich -
Dat jit en herrlich lange Naach.

Et Rosa kaut Printe, de Hein kopp e Ei,
Tant Traut hat wie emmer jet Natron dobei.
Et vurnehme Nies un de Schang schlurfen Sekt.
Die 400 Happcher, jo die sin langs schon weg.
Pauel hat noch jrad en Mettwoosch erwisch,
die loch ungerm Desch zwesche Erdnoss un Chips.

Wenn sich de Famillich triff ...


De Klos sat ?Dat Kolsch, dat schmeck avver jot?,
dobei ha us jlasije Auelcher lood.
?Ich konnt se butze, die Bierbrauerei?
sat dropp et Ann un zapp sich noch ein.
Et Kath zeich Brilliante ? an jeder Hand 2 ?
?Ich hanner noch mieh? sat et janz neverbei.
De Panz sin am knaatsche un wulle noh Huss,
do klopp et von unger ?No maht entlich Schluss!!?
Mensch, wo die Zick blied, schon Veedel op Ein.
Drum sprich jetz zom Schlu? noch ens de Onkel Hein.
?Freut euch des Lebens, nur so hat es Sinn?
Do fallt em de Asch en et Wingglas erinn.

Wenn sich de Famillich triff ...

... Dat jit en herrlich lange Naach.
Un och de Nohberschaff blief dobei wach.

Un da Uhm der juck Jebootsdach hatt,
jo da litt schon zig Veedel op Aach em Bett.