Texty: Dr K Chaudhry. Naqli Dawa Ki Asli Kahani.

Chemist ko tum paise dete badle mein paate zahar ka paani
Suno suno ai desh vaasiyo naqli dawa ki asli kahani
Baat ye ek trade ki nahin moral values ka nikla diwaala
Aise logon ko sataa saumpte jinho ne desh ka sab bech daala
Ek hi thaili ke chate bate hain sabhi partiyon ke hi neta
Sach bolun to kissee election mein main vote nahin deta
Drug inspector, drug controller, health director aur minister
Sabhi ki jeb mein paisa pahunche sabhi hain khaate miljulkar
Police ko koyee inform kare to us par lagta ek sau biyaasi
Jahaan na rishwat ki aasha ho wahaan police bhalla kyon jaati
Suno suno ai desh vaasiyo naqli dawa ki asli kahaani
Bees percent chaalis percent percentage ka sawaal nahin hai
Zyaadatar chemiston ke pass chutaki bhar asli mall nahin hai
Laalach itnaa setting itanee ek bhi goli rakhen kyon asli
Goli capsule cream injection every thing you are getting naqli
Sasati aur achhi dawaayen desh se ho gayee choo mantar

Jhoothe lekh chahape vo deteen apang aur andhaa kar
Corporate haspataalon ne commission ka vo jaal failaya|
Bees hazaar commission dekar ek laakh meter down banaaya
Suno suno ai desh vaasiyo naqli dawa ki asli kahaani
Testing labs khareedi huyee hain in par na karna vishwaas
Rogi puraane kar sakte hain naqli dawaayon ka parda faash
Soongh ke chakh ke cut surface se kayee dawaayon ki ho pehchaan
Side effect kabhi ghaayab ho jaaye to us dawa ko naqli jaan
Qaatil chemiston ko pakad ke unki dukaanon se board hataao
Rishvat khoron ko pakar ke board ki jagah unko latkaayo
Jaate jaate kah jaata hun ek pate ki baat bhaayee
Hospital ke ander chemist shop mein milati hai ye buraayee
Suno suno ai desh vaasiyo naqli dawa ki asli kahaani