Texty: N.C.C.P. (Nuova Compagnia Di Canto Popolare). Tarantella Ca Nun Va' Bbona. Si Te Credisse.

Si te credisse dareme martiello
e c'haggia felatiello,
ca faie la grande e me ne 'ncricche lu naso,
va' figlia mia ca marzo te n'ha raso.
Passaje lu tiempo ca Berta filava
e ca l'auciello arava,
e cchiu nun sento Ammore ca me chiamma,
sculata e Patria mo nun c'e cchiu mamma.
Va c'hanno apierto ll'uocchie li gattille,
so' scetate li grille,
si nun ce sta speranza a sti bellizze
va spiezzate lu pere quanno 'mpizze.
E haggio puosto la mola de lu sinno
ne cchu me movo a zinno,
e gia cunosco da la fica l'aglio
a 'stu curtiello tuojo cchiu nun me taglio.